طلبات المتجر

لما الزبون يبعت طلبه، اللي بيحصل إن الطلب بيتسجّل عندك ويقف. ومعنى كده بالظبط:

• مافيش مخزون بينقص ولا كمية بتتحجز.
• مافيش فاتورة ولا رقم فاتورة بيتاخد.
• مافيش قيد محاسبي بيتكتب ولا رصيد عميل بيتحرّك.

يعني طلب وهمي أو زبون بيهزّر مابيلخبطش دفترك. وأول ما توافق إنت، ساعتها بس بيتحرّك كل ده مرّة واحدة.

والأسعار بتتحسب من عندنا مش من عند الزبون. لو حدّ عدّل السعر في متصفّحه، النظام بيقرا السعر المسجّل في ملفّ الصنف ويحسب بيه.

ولو الزبون ضغط حدّد موقعي على الخريطة ووافق، بيوصلك مع الطلب زرار بيفتح موقعه على خرايط جوجل.

واللي بيحصل بعدها كله مرّة واحدة:

• فاتورة بيع عادية بترقيمها وضريبتها زي أي فاتورة بتعملها بإيدك.
• المخزون بينقص للأصناف اللي عليها متابعة مخزون.
• القيد المحاسبي بيتكتب — قيد البيع وتكلفة البضاعة المباعة.
• الزبون بيتحوّل لعميل عندك: النظام بيدوّر برقم موبايله، لقاه يربط الفاتورة عليه، ما لقاهوش يعمله ملفّ جديد بالاسم والرقم.
• الزبون بيتبلّغ إن طلبه اتأكّد — وصفحة متابعة طلبه بتتحدّث، ولو مربوط ببوت محلّك بتوصله رسالة فيها رقم الفاتورة.

وبعد الموافقة بيظهر لك زرار افتح الفاتورة يوَدّيك عليها على طول.

وعشان كده الأزرار اللي بتشوفها تحت الطلب بتتغيّر حسب حالته — مش هتلاقي زرار يرجّعك لورا، وده متعمّد عشان الزبون مايقراش «طلبك في الطريق» وبعدها «بنجهّز طلبك».

تلات طرق، وكلها شغّالة مع بعض:

وإنت كمان بتلاقي تحت كل طلب رابط صفحة متابعة الزبون — ابعته لأي زبون بيسأل بالتليفون بدل ما تشرحله في كل مرّة.